شيرين التلبنتي.. تكتب: الحياة والموت.. مش ولادة وطلوع روح
مش حقيقي إن الحياة تبدأ بالولادة، الحياة بتدأ بالوعي والتغيير، اللي بيخرج من حزنه لوحدة وبيفلتر معظم الناس اللي في حياته، بعد ما اتوجع واتكسر بخاطره كتير، وقال كفاية عشم في الناس لحد كدة، ده أتولد من جديد.
اللي فقد الذاكرة متعمد ونسي المشاكل والهموم وبعد عن الناس الحقودة اللي قلوبها سودة، واختار حياة جديدة بناس هادية وبسيطة، دة اتولد من جديد.
والموت عمره ماكان بطلوع الروح، لأنك ممكن تموت الف مرة وأنت على قيد الحياة، لما حد يدبحك بسكينه تلمه ويرميك من سابع سما لتاسع أرض، دة أشد من طلوع الروح.
لما تتاذي وتتحول لمريض نفسي عندك وسواس إن كل الناس وحشين وحتى الكويسين دايما مستني هيتحولوا أمتى، ميت على قيد الحياة، ودة أشد من طلوع الروح.
يا سادة الحياة بتتولد من جديد.. في كل لحظة سعادة وأنت في أشد الحاجة ليها، والموت مش بطلوع الروح، بكل لحظه قهر وظلم، وأنت مش قادر تدافع عن نفسك، وبيتكسر فيها خاطرك من أقرب المقربين، خليك دايما على يقين إن الحقيقة الوحيدة الثابتة هي اليقين بالله فلا ملجأ منه إلا اليه.
